ھم کریں بات دلیلوں سے تو رد ھوتی ھے
اُس کے ھونٹوں کی خموشی بھی سند ھوتی ھے
سانس لیتے ھوئے اِنساں بھی ھے لاشوں کی طرح
اب دھڑکتے ھوئے دِل کی بھی لحد ھوتی ھے
اپنی آواز کے پتّھر بھی نہ اُس تک پُہنچے
اُس کی آنکھوں کے اِشارے میں بھی زد ھوتی ھے
جس کی گردن میں ھے پھندا، وھی اِنسان بڑا
سُولیوں سے یہاں پیمائشِ قد ھوتی ھے
شُعبدہ گر بھی، پہنتے ھیں خطیبوں کا لباس
بولتا جہل ھے، بدنام خرد ھوتی ھے
کچھ نہ کہنے سے بھی چھن جاتا ھے اعزازِ سُخن
ظلم سہنے سے بھی، ظالم کی مدد ھوتی ھے
مظفر وارثی
